Uber Stock und Stäi

(Rita Barmettler und Sepp Amstutz)

Ä Sunnästrahlä weckt mich im Bett, säid miär, dass ich uifstah sett.
D’Vegu pfeyfid, s’isch käi Frag; hit da gid’s ä wunderscheenä Taag!

Ich laifä los und nimä dr Huät. Meys Härz schlaad vouär Ubermuät.
Miär gand duruif uber Stock und Stäi und erscht im Abigroot widr häi.

Ref.:
Uber Stock und Stäi weyt äwäg vo dähäi. Uber Bluämämattä, dur Sunnä und Schattä.
Dä Rucksack am Riggä – dä Wäg nu vor diär.
Uber Stock und Stäi weyt äwäg vo dähäi. D’Natuir gniässä, neyd seuä, neyd miässä.
Dä Rucksack am Riggä – dä Wäg nu vor diär!

Diä griänä Mattä, d’Rindli am Hang, dä ganz nateyrlich Oupäklang.
Diä Ruäh, äs isch als gäb’s käis Zeyt. Ha liäber s’Fee ous hektischi Leyt.

Ref.:

Dä Taag erfiut mich mit Läbäsfräid. Ich fühl mich wiä uf Woukä träid.
Ich wird’s niä vergässä, das Gfiil da drhiä.
Miär chenntid’s so scheen ha, dui wäisch ja jetz wiä!;-)

Ref.: